Tin ora ta bon pa tin un sparring partner òf manera nos sa yama e hopi bia un coach. Den hopi kaso un coach por yuda bo mira opstákulo | problema ku bo ta frekuentá den bo negoshi ku otro wowo. Esaki ta fasilitá bo traslado di un empresario nobo ku poko eksperensia pa un eksitoso i eksperensia.
Tur empresario mester di un coach na sierto momentonan,sigur ora nan tin ku tuma desishon importante pa krese nan negoshi. Esei ta un manera lihé i fásil pa siña kualke negoshi. Bo ta siña “short cuts” di un persona ku sa un tiki mas ku bo mes, sea dor di eksperensia propio i|òf dor di estudio.
Dor di falta di konosementu òf eksperensia hopi bia nos komo empresario sa tuma desishonnan ku no ta benefisiá e kresementu di un kompania i hopi bia esei ta resultá den pèrdida di tèmpo i tambe plaka. Kada ” set back ” ta nifiká un paso patras i un dos paso mas leu for di bo meta. Pa kis un coach ta algo personal i di konfiansa. Bo mester sinti bo komodo ku e persona i ta sinti di por empresa bo ideanan liber kun’e . Tambe ku coach tin mesun entusiasmo i determiná ku bo mes pa mira bo bai dilanti.
Den ki kaso bo ta buska un coach?
- Ora bo ta sinti bo wanta den bo negoshi òf plannan. ( Un hende ku por yuda bo diskubrí maneranan pa atendé ku e opstákulo òf retonan ku bo ta frekuentá)
- Ora bo mester un hende pa yuda bo tene bo enfoká riba bo metanan ( Un hende ku por yuda bo implementá akshonnan ku intenshon pa logra bo metanan)
- Ora bo mester un dosis di honestidat i mester un hende imparsial pa pensa ku bo riba bo siguiente paso pa evitá bo ta pèrdè tèmpo i plaka. (Kisas bo ke “double check” bo kálkulo di preis òf un strategia ku bo ke implementá )
- Ora bo ta sinti bo falta konosementu riba un area i bo ke pa un hende splika bo kon e kosnan ta hinka den otro relevante pa bo negoshi | situashon
- Ora bo ke haña tips i eksperensia for di bida real aplikabel den bo ambiente di negoshi (i no kos foi buki so)
- Ora ku bo ke aktua mas lihé i redusí bo riesgo di pèrdè sèn innesesario . Un coach por duna bo e trikinan i introdusí bo na eksperto | kontakto ku bo mester mustra bo e pasonan ku bo mester. Pa kiko difísil si por fásil?
- Ora bo ke organisá bo ideanan| instinto|plannan i mester un hende ku ta skucha i yuda bo sali ku un plan fuerte i kla pa ehekutá. Un hende ku por komplementá bo i yuda bo ta ahun mas eksitoso den bo negoshi
Al final bo no tin nada na un coach si bo no ta dispuesto pa traha of invertí lo nesesario pa trese e kambio ku bo ke mira den bo negoshi. Un sita pa spar ku nos ta kosta 75 Nafl. Nos tin pakete di 10 sita di Nafl. 500 tambe ku bo por usa ora bo mester.
Si bo ta kla dispuesto wak for di un otro perspektiva i trese kambio den bo kompania, buk un sita di introdukshon aki http://bit.ly/bokesita .
Tags: business coaching business model canvass business strategy coaching curacao
