Ken bo ta ? Ki tipo di empresario bo ta ?
Bo tin un bon bista di kiko bo ta bon den dje i kiko ménos bon? Kisas bo ta pensando unda esaki ta bai ?
Semper ta bon pa para ketu ratu ratu i wak den spil . ..Analisá ken bo ta. Para ketu i tèst ku esnan rondó di bo kiko bo ta bon den dje. Hopi bia lo bo keda sorprendí kuantu kos otro hende ta mira ku bo ta (hopi) bon den dje ku bo mes no a realisá . Den nos kultura nos ta hopi bia basta humilde ora ta trata di bisa kon bon nos ta den algu. Nos por wak e den otro hende hopi bia mas lihé pero no den nos mes, nos ta kere e ta algu normal i lógiko ku nos por.
Bon naturalmente algu ku no ta ménos importante ta tambe nos puntonan debil. Meskos ku nos punto fuerte, esta loke nos ta bon den dje esaki tambe ta importante pa bo sa komo empresario.
Na momento ku bo ke ta eksitoso den bo negoshi bo mester ta bon na altura kiko bo por of bo sa algu di dje òf no. No ta un eksepto pa bisa si bo no sa òf por algu ku bo no ta hasi na da ku e informashon ei. Pa duna un ehèmpel, si bo no sa hopi di atministrashon, bo ta tuma askshon i bai un kurso pa sa mas. Of bo ta tuma un hende na trabou pa e trabou ei òf aserka un kompania di atministrashon pa asina nan yuda bo mantené bo atminitrashon na un manera riba nivel. Bo lo no ke haña bo ku problema finansiero ni problema ku belasting tòg?
Esei ta konta pa tur otro kos den bo kompania ku bo mester take care di dje. Tin kos ku bo por siña i otro ku simplemente e no ta bo kos òf kisas asta gewon bo no tin tempu pa hasi esei tambe. Pensa por ehèmpel si bo ta kose i ta abo ta esun ku tin ku sòru pa “produsí” e sèn; Mayoria di e tèmpo bo ta pasando ta kose dus ta hopi difísil pa bo sinta hasi bo atministrativo òf merkadeo tambe. Pero bo negoshi mester di dje.
Ora bo ta traha stratégiko pa logra bo metanan, ta bon pa wak pues si abo tin tur e konosementu, abilidatnan òf asta konosínan pa yuda bo logra bo meta. E promé stap ta diskubrí bo nivel di konosementu, abilidat i kalidat di bo netwerk.
Aki algun link ku bo por hasi un tèst pa diskubrí mas di bo mes komo empresario.
https://link.thebizconnection.co/testQredits
https://link.thebizconnection.co/Krachtmeting
