Na momento ku nos ta enfrentá kontra tiempo i desafionan bo ta haña e konseho pa keda “positivo”. Ta difísil pa haña e motivashon pa enfoká riba e parti positivo kaminda esaki ta mustra komo un ilushon. E opstákulo di mas grandi pa ta positivo ta nos serebro nan ku ta programá pa buska i konsentrá riba menasa nan.

Purba pa mantené un aktitut positivo ta bon pa salú. For di estudio nan a wòrdu prueba ku tin un konekshon entre positivismo i e manera di funshoná.

Bo pregunta lo ta kon pa kibra e kadena di pensamentu negativo aki ?

  1. Separa e realidat for di fikshon. Na momento kubo ta kere e kosnan negativo i ta , bo tin ku stòp i kuminsá skirbi nan. Esaki ta yuda pa baha e mal pensamentu nan i lo bo ta mas konsiente pa evaluá e bèrdat di e echo nan. Bo por ta sigur ku mayoria di e kosnan ki nan aki no ta bèrdat kada bes kubo mira e palabra nan ak; nunka, semper, piho, malu etc. Dor di identifiká i marka bo pensamentu bo ta separá nan i esaki ta yuda pa bo skapa di e sírkulo negativo i pa avansá na un perspektiva positivo.
  2. Identifiká loke ta positivo. Yuda bo serebro pa e konsentrá riba kosnan positivo so. Na momento kubo ta pensa kon bo dia a bai, pensa riba algu positivo ku a pasa e dia ey. Si bo no por pensa riba e dia aktual pensa i reflekshoná riba e dia promé òf e siman promé mes. E punto ta ku mester tin un suseso positivo pa konsentrá riba dje ku lo por remplasá e suseso nan negativo.

Pone e stap nan aki den praktiká i lo bo optené benefisionan mental, físiko i  bo manera di funshoná ku ta duna bu un ánimo positivo.

Echos tokante positivismo:

  • Un bendedó positivo i optimista ta bende muchu mas tantu ku un bendedó pesímista. Martin Seligman 

  • Un lider positivo por tuma un mihó desishon ora e hañé bou di preshon. Heartmath.org

  • Un ambiente di trabou positivo ta superá un ambiente di trabou negativo. Daniel Goleman

  • Un persona positivo ku konstantemente ta ekspresá emoshon nan positivo por resistí fásil na momento di enfrentá “strès”, desafionan i kontra tiempo. Several Studies

  • Personanan positivo ta mas kapas di mantené un perspektiva amplio i ta wak e panorama general… kual ta pone ku nan por identifiká posibel solushon nan, miéntras ku e pèrsona nan negativo ta mantene un pèrspektiva menos amplio i mayoria bia ta konsentra riba kosnan negativo so. Barbara Fredrickson

  • Pèrsonanan positivo tin mas amigu, kual ta un faktor klave di felisidat. Robert D. Putnam

  • Lider nan positivo i popular ta optené sosten di otro nan fásilmente i tambe ta risibí oumento di salario i promoshon ku ta pone ku nan ta logra di ta eksitoso na trabou. Tim Sande 

Tags:

CONTACT US

We're at your service, send us an email and we'll get back to you, asap.

Sending
or

Log in with your credentials

or    

Forgot your details?

or

Create Account