Maneranan bieu no ta trese kambio, si bo ke mira otro resultando den bo negoshi bo tin ku hasi otro kos.
Tin bia nos ta sinta pega den un sírkulo di abito i tòg nos ke mira un otro resultado:
-Nos ke haña mas kliente
-Nos ke sobra mas ganashi na fin di luna
-Nos ke krese nos sigidornan riba medio sosial.
-Kisas nos ke pa otro tipo di kliente kuminsá aserka nos pa trabou
-Porta tin sierto produkto/servisio ku nos lo ke bende mas.
Semper ta bon pa analisá ratu ratu kiko ta ta pa bo kompania si òf no. Ahustá esun ku no ta funshoná tur luna di nobo te ora bo saka afó loke ta duna e resultado ku abo ke mira.
Kon hasi esaki?
Para ketu awe wak tur e akshonnan bo a tuma e luna ku a pasa ei. Analisá kuantu di nan bo a hasi un pasa i esun promé kun’é tambe.
Bo por kon-kuli ku den esei-nan tin algun ku kisas no ta funkshona pa hiba bo na loke bo ke logra. Wak nan mas mihó ainda kiko kada un a trese pa bo : Por ehèmpel kua kanal di komunikashon a trese kua kliente ( Bo por sa esaki dor di puntra bo kliente unda e la sa di boso) Si ta facebook ta trese mihó/mayoria kliente pa bo bo sa ku esaki bo tin ku kontinuá . Si bo ke krese bosa tambe ku kisas bo mester hasi un tiki mas ku bo facebook e ora ei pa bo haña mas di e kliente nan ei .
Kisas ta “un boka a bisa otro” ku bo ta haña kliente , e ora ei bo tin ku hasi mas pa simulá esaki. Duna un rekompensa na kliente ku ta trese otro kliente òf sòru pa bo servisio ta bon sufisiente ku bo kliente tin motibu èkstra pa papia di bo.
Al final si bo no ta kòrda kiko tur bo ta hasi den un luna esei ta un indikashon ku bo no tin un strategia di maneho i no ta traha konforme un tampoko ( Bo ta tira para). Si bo ta tira para ku bo negoshi bo no por midi pa sa kiko a funshoná i kiko no Esei ta hasi difísil tambe pa ahustá bo strategia kada bia mas skerpi pa por tin kada bes di no bo mihó resultado fin di luna. Lo bo no por krese bo negoshi si bo no ta bira kada bes mihó i mihó ku loke bo ta hasi.
Por tin momento ku bo ta sinti ku bo ta keda bira rònchi, si bo nota esei ta bon pa bo bai un kurso ku por yuda bo deal ku retonan den bo kompania òf tra un konsulta ku un ” Business Consultant” serka nos ku por yuda bo ku ideanan nobo ku bo por implementá pa sobresalí bo retonan.
Tags: business coach business strategy businessplan curacao new opportunity newdoors newopportunities old ways oldways strategy
