Branding ta e proseso pa duna kontenido na e Marka (imágen/ nòmber) di un negoshi, produkto o servisio dor di forma un “pensamentu”, “espektativa den un hende su mente. E ophetivo di Branding ta pa atraé retené kliente i otro interesadonan dor di ofresé un produkto ku ta den mes liña ku loke e marka aki a primintí.
Di-kon Branding ta importante pa bo kompania?
Tur kompania ta diferente i tin ta asta bende e mes un produkto/servisio, pero ta e Branding ta konvensé e persona pa kis pa esun marka riba e otro marka.
Bisando esei e imágen (impreshon) ku e kumpradó a krea di bo marka ta determiná kua marka e lo kumpra ora e ta kumprando. (E diferensia den merkadeo i branding ta lo siguiente . Merkadeo ta ensera eaktividatnan ku bo ta hasi pa bende bo produkto i branding ta tur loke ta krea un impresion / espektativa di bo produkto).
Bo marka no ta solamente un LOGO ni kombinashon di kolo. Hopi bia mi tin klientenan ku ta yega serka mi ku a gasta hopi sèn i tèmpo pa krea e LOGO (i konsepto di marka) pero ku ainda no a tra un plan di negoshi. Un kos imposibel pa tin un LOGO i konsepto di marka sin ni sa kon bo ta bai pone bo mes den merkado.
Dis pens’e kon bo por krea un imágen òf idea di bo produkto òf servisio is bo a ni pensa kon ta e mihó strategia pa ofresé bo produkto na bo kliente (ideal) . Ta meskos ku kumpra as pa vangu un tipo di piska sin a disidí kua piska bo ke bai fangu (paso kada piska atrobe tin algo ku nan ta kome , kual ta hasi e mas fasil pa bo gangu e tipo di piska ei)
Branding ta enserá banda di un logo i konsepto di marka (kolo) hopi mas kos ku solamente e aspektonan visual pensa tambe riba holo, zonido,tono di bos, smak i asta aspektonan humano manera eksperensia i mensahenan ku ta wòrdu kumunika. Den ko strategia di merkadeo ta bon pa pensa i tra riba tur e aspektonan aki. Paso ta nan ta forma e impreshon i espektativa pa bo marka.
Pensa riba ora un kuminda ta hole i mustra bon bo ta ferwagt un bon smak tambe tòg? Meskos no ta ferwagt ku e kuminda ei lo swata-bo tog. Tur kos ku un hende por imaginá bo ora nan tende e nòmber di bo marka , wak bo logo ta kai bou di branding.
Puntra dos tres hende (bon ja at least 10) kiko nan ta pensa i ferwagt ora nan wak bo marka (i propagandanan) . Si nan bisa bo loke bo tabata ke nan pensa bo ta bon , si no tin ” werk aan de winkel” pa kambia nan pensamentu.
Sa ku nos tei pa tur bo retonan pa ku bo Branding i plan di merkadeo.
